在這小學，為五、六年級同學🎶
進行了四節音樂治療小組
最主要的目標是讓他們合作溝通💬
表達自己意見時也會聆聽別人👂
來到最後一節時間
想起不如一起把創作的Hello Song 編曲錄起來🎵
起初大家各有各意見 各自玩🌪️⛈️
然後大家都覺得嘈
他們都有提出方法
但卻不易實行 我內心都Ban左好多次
同時我又擔心著時間不夠😩
本身我還想有其他活動
我問他們，「你們想一整小時只做這件事，還是有其他活動？」
(其實內心有點燥 )🥹
怎想到，他們說是，要好好的錄完
那麼好吧，我就開始想方法💡
如何輔助他們，按他們的想法去試
結果，我們成功了！💪🏻
是一首真正屬於他們的編曲
小組結束前，我們有分享時間❤️
大家都說著欣賞自己和小組
這件事令我感動到毛管戙🥹🥹
大人有時太多預設計劃、思考
有時卻未能欣賞小孩們的長處、特別之處
這次是真的以他們為中心
我重新作為facilitator 的角色
而他們在其中，所得著的
也許比我本計劃的還要多
感謝這一次的經歷。🫶🏼
也感謝嘉希聽我分享同埋俾意見我呀 ❤️❤️
展覽過後，我的感受是...
再一次完成一個展覽，
很想把自己一堆大大小小心路歷程記錄低
我記得展覽前的一星期，自己壓力爆燈..to-do-list 數十項，未計每日本身工作，心入面真的好焦慮，「我，做唔做到架？」
然而過程中，一項一項工作完成，發現其實萬事起頭難，開始左就可以。
我記得，入場的一晚，我在錦田完成工作，駕車到會展，我選了一條最遠的路，慢慢聽住歌咁入去，想預備自己心情。想一想，提醒自己到底一切為了甚麼，同時享受著這一段時間，就是忙碌行程緊密的Moment，(我發現我好癲要忙先見到自己存在 )
我記得入場的一晚，多謝朋友們Hehehaha一起佈置，搬枱搬櫈，開心、忙碌嘅畫面一一在我腦海中，我肯定我地係全場最開心嘅。
我記得在展覽裡，與不同的人講解音樂治療，試著不同方法去展開對話，試著不同方法引入音樂。感恩每一個小小的相遇，每一個音樂上的連繫，還有每一位在展覽中認識、甚至follow左我嘅朋友，謝謝你們相信和停下來聽我們去講。
到了最後一日，再次多謝Ican,shek jai and Michelle, 好深刻大家點樣再搬搬抬抬，砌野上車，尤其係shek jai and Michelle 已經係第二次展覽，你哋都係到，這一切也記在心裡，謝謝。
雖說到現在，你即時問我，咩係音樂治療，我仍然好難三言兩語解釋到好明白。但我更加體會到、學到，當中的奧妙，如何與人對談，了解對方需要，停一停用心聽聽對方想了解的。一問一答，比起一輪咀去講....（幾時都係）
我學到互相欣賞、互相合作。很感恩，我的拍擋，不是第一次講，但這次更強烈，那一種互補不足，剛柔並重？是內外互補？就是，一切無左你都唔可以。我地嘅友誼又再進一步進好多步。這一切不是必然，真的欣賞你，你對事物的看法，你對人的態度。(最深刻是展覽後，海邊的一段路程，喊左大半段，我期待將來我地有更多次這樣嘅時間）
還有 Ican。記得我在上海晚餐的分享嗎，我果下拍你膀頭係真係.........唔容易 haha
謝謝你同michelle兩個幫手，仲有女朋友，無言感激，你地都讓我成長左，果晚我講嘅野...唔易講出口，但我慶幸我講左。
多謝一眾來捧場嘅朋友們，你哋嘅支持對我同michelle是很大的鼓勵，每次見到你地我都忍唔住大聲的”HELLLLLLLLOOOOOO”，好開心你哋黎見證我地嘅成果同努力。
最後，我發現我對自己有更多覺察。其實何詠恩，真係唔多停到落黎，我唔悶得，我真心好享受這一切過程同成果。 我看到每一張合照，我都笑得好燦爛，其實我也挺喜歡這個自己。
我成日話，無諗之後係點發展，無計劃。但其實。。。可能都需要慢慢計劃下，我了解到最近身心都有累嘅時候，而也想搵下咩先係最適合自己。或者忙碌咁衝衝衝，有時都需要停一停，我想用心做好這一刻嘅事，目前嘅client and session，亦包括放低左一排嘅女女，其他日後嘅計劃就交返俾神。
一些難得嘅回憶記住了；一些相遇的人也記住了；一些感動的關係也記住了
我相信這一切，在某年某月某日某地，就會成就將來的路。
最後回應我最開始的問題，我有時仍成日覺得自己做唔到，問自己做緊咩，不過或者至少，我知道我喜歡我享受，我知道我想做得更好。
嗱，我再次多謝你睇哂我嘅文字。
