6月份 - 有機會來到一間長者日間護理中心，與認知障礙症長者們有音樂治療小組。🧓🏻👵🏻👴🏻記得每一次，六位長者總會排排坐好等我。有時會記得我係邊個、有時唔記得。
🙋♀️但每一次當我一彈結他，大家就好自然各就位，拎住樂器、自由發揮、專注咁一齊合奏，有時仲停唔到。記得大家面上開心的笑容，自然流露，我都樂在其中。
🎤🎵🎶小組主題係家人關係，雖說因時間不多，能探討的不多，但有一節透過挑選樂器，又誘發到有趣嘅討論；透過輪流帶領玩音樂的過程，又觸發到細心聆聽的溝通元素和各人不同個性嘅探究。
🙊🙉四節時間不長，但仍漸漸見到大家更開放心態，更多音樂上發揮，創意表達。每一次嘅Greeting Song，又讓我們可以傾下講下食咩野早餐，互相關心，閒話家常。
🥣每一次你地都好誠懇咁同我講多謝，其實係我多謝你地才是。喜歡你們的真摯交流和音樂。
感謝 九龍城地區康健站 油尖旺地區康健站 邀請
好榮幸可以繼續跟 九龍城地區康健站 有第二次嘅合作🥹，繼上次在九龍城廣場分享有關音樂治療同親子關係，今次在奧海城跟公眾介紹音樂治療也有機會與大家一齊玩音樂、推廣關注精神健康的重要。😇
除了有互動歌唱環節、身體敲擊樂(Body Percussion)合奏、我也嘗試讓小朋友上台即場玩樂器合奏、爸爸媽媽用自己聲音，隨心創作唱歌和全體觀眾音樂大合奏。🎶🎵🎤
最令我滿足嘅係，今次預備的內容，能包括更多人一齊同時互動參與，也強調自我關顧的重要，也算是Community Music Therapy。😊
完成了很多的新嘗試，仍有很多進步空間，同樣也累積了經驗。😍
//
懂我的，一定知道我喜歡講野🙊，這類型推廣分享工作，滿足我的個性。讓我可以用說話、音樂和自己的故事與人交流和連繫。
懂我的，也一定知道我事前必定又緊張又大壓力、擔心自己的表現不在狀態。🥲
然而這次經驗又讓我學到了😀
專注，萬事起頭難，開始左第一步，然後專注的做好、挑戰難題總可逐步完成。
專注，不時提醒自己這個工作的中心目標，「與人互動，讓人投入藉此放鬆抒發自己、體驗、認識音樂治療」，讓自己不會偏離。
放鬆，時間越近，有時太多準備又會越嚟越緊張，準備好了，就唔好再諗，相信自己，到時即興發揮。多謝老公當日捉我去食野，散下心。
享受，發掘左自己喜歡做嘅事，我真係幾享受當中過程，我也相信當我真正享受當中，觀眾也會感受到。
感恩，一直進行中不同的工作經驗、過往工作、生活人和事，也啟發了我，成為我分享的靈感，也想多謝曾經俾機會教導我嘅人。
盡全力，抱住同一心態做任何事，完成後，應該也會好好的認同自己，多謝自己，為當中的過程高興。
當然，現在回想，還有很多改進的地方，講野可以再慢D到Point D，過程可以再放慢D，等大家慢慢熱身，逐步感受，音樂又應該點樣再提升學習。
就將一切體會，感受，好好記錄低，下次再做好！
感謝工作人員全力協助我，音響、投影、樂器設置、現場秩序
有你地我好安心 :)
感謝到場支持嘅朋友同家人，仲有老公嘅同事:)
笑我啦，🙄有人笑我當自己開演唱會 俾你笑多幾次 - hahaha
最後，要多謝同欣賞自己，努力投入自己熱衷喜愛的工作。喜歡這個這個何詠恩。☺️
重溫當日分享：(最後半小時）
感謝 @oxfordpath 邀請，我同 @michcome_mt 5月份又可以參與親子音樂小組。
今次嘅主題係「清潔🧹」，我地創作左一個故事 - 《希希學清潔》。故事嘅主角，希希👦🏻因為唔幫手清潔，令佢間房同埋最心愛嘅玩具「啤啤🧸」都一陣味，仲有好多烏蠅飛過，啤啤好唔開心，唔要同希希做朋友。最後小朋友幫希希一起分類玩具🪀🚂、抹抹抹🧽🧼，從此希希同佢嘅玩具熊啤啤又做返好朋友喇。🫱🏻🫲🏽
過程中，我地加入左多首自己創作嘅歌曲🎶🎼，同小朋友一齊「玩、聽」這個小故事。最後仲一齊用不同樂器🥁大合奏。再次多謝各位爸爸媽媽支持、同埋好同伴Michelle，一起有這個難忘嘅音樂下午。
