這一日來到呢間長者日間護理中心，將音樂帶俾一班長者，讓佢哋體驗音樂治療能夠做到嘅。 由合唱熟悉嘅經典金曲、一人一件樂器，即時組成樂團，載歌載舞仲有指揮。就係咁樣用音樂同大家溝通，因為音樂就係一個語言，平時未必可以咁多同人互動嘅時間，今日一班人喺音樂入邊一齊玩。 感謝每一個會心微笑嘅時刻，難忘大家嘅笑聲，原來音樂可以咁樣玩，縱使未玩過樂器、好少接觸音樂，都絕對唔係一個問題。 除咗動也有靜，音樂有承載力，接着大家唔同嘅情緒，唔同嘅狀況同需要。呢個時間亦都係可以好好放鬆、被音樂包圍着。 多謝相當有經驗的 @panpan_music_therapist 同我一齊，😇 實在欣賞你嘅淡定同埋從容，感謝您對我嘅包容，會接受我唔同嘅提議，再喺裏面俾意見我☺️ #聖保祿醫院 #頤康天地 #音樂治療 #長者音樂治療

6月份 - 有機會來到一間長者日間護理中心，與認知障礙症長者們有音樂治療小組。🧓🏻👵🏻👴🏻記得每一次，六位長者總會排排坐好等我。有時會記得我係邊個、有時唔記得。 🙋‍♀️但每一次當我一彈結他，大家就好自然各就位，拎住樂器、自由發揮、專注咁一齊合奏，有時仲停唔到...